Sam~teld ger nógv arbeiði fyri almennu umsitingina og hevur tí stóra vitan um tey serligu krøv, sum sett verða til fyrisitingarligar skipanir. Fyritøkan hevur staðið á odda fyri fleiri verkætlanum at menna tílíkar skipanir. Av stórum verkætlanum kunnu nevnast lønarskipanin til land og kommunur, viðaskiftafólkaskipanin á Almannastovnuni, vaktarætlanarskipanin til heilsuverkið og fíggjarskipan landsins.

Aðrar skipanir, sum Sam~teld hevur ment fyri tað almenna, eru skipanir at umsita lestrarstudning og lestrarlán á Stuðulsstovninum, partafelagsskráseting í Vinnumálaráðnum, skipaskráseting og sjóvinnubrøv á Sjóvinnufyrisitingini, skipasýn á Skipaeftirlitinum og virksemið í Apoteksverkinum.

Ein annar týðandi partur av virkseminum hjá Sam~teld er at umsita teldukervi og dátugrunnar fyri tað almenna. Fyritøkan umsitur kervini hjá Mentamálaráðnum, Løgmansskrivstovuni, Almanna- og Heilsumálaráðnum, Sjúkrarøktarfrøðingaskúlanum, Fiskimálaráðnum, Innlendismálaráðnum, Heilsurøktini, Serforsorgini, Heilsuhjálparaskúlanum, Føroya Tele og Skipafelagnum Føroyar.